Cuatro firíos nuna colisión ente dos turismos en Gozón
Cuatro persones, una muyer, un menor d'edá, y dos varones, resultaron furíos nun choque ente dos vehículos nel AS-238, nel kilómetru 6,800, ente les poblaciones de Lluanco y Mazaneda, en Gozón. L'accidente obligó a cortar esta vía de comunicación.
24/7/2015 - 18:57
UVIÉU, 24 de Xunetu (EUROPA PRESS)
Cuatro persones, una muyer, un menor d'edá, y dos varones, resultaron furíos nun choque ente dos vehículos nel AS-238, nel kilómetru 6,800, ente les poblaciones de Lluanco y Mazaneda, en Gozón. L'accidente obligó a cortar esta vía de comunicación.
Según los datos facilitaos pol Serviciu d'Atención Médica Urxente (SAMU) al varón, a la muyer y al menor d'edá treslladáronlos al Hospital San Agustín. Por cuenta de más pruebes y hasta nueva valoración médica'l so pronósticu ye reserváu. Al otru varón citáu, que presentaba politraumatismos, evacuáronlu al Hospital Universitariu Central d'Asturies (HUCA).
El Centru de Coordinación d'Emerxencies recibió l'avisu a les 14.40 hores. Na llamada indicóse que dos vehículos topetaren y había persones firíes y atrapaes. De momentu movilizóse a 5 efectivos de Bomberos del Serviciu d'Emerxencies del Principáu d'Asturies (SEPA), con base nel parque d'Avilés, que se treslladaron col furgón multisocorru y el vehículu primera salida.
Una vez na zona, los bomberos comprobaron que los conductores de los dos turismos accidentaos nun podíen salir de los mesmos, y pa ello dividiéronse en dos equipos pa proceder a la escarcelación de dambos que circulaben nos turismos matrícula, O-7818-AZ y O-0287-BL.
Los bomberos dieron por acabada la intervención a la so llegada a base, a les 16.09 hores. Como marca'l protocolu, la sala del 112 del SEPA informó del socesu a la Guardia Civil, al SAMU, que movilizó l'ambulancia de soporte vital básicu d'Avilés y la de Lluanco, con personal sanitario, amás de la UVI Móvil d'Avilés. Tamién s'informó al serviciu de caltenimientu de la calzada.
Elige tu ciudad
A Coruña | Albacete | Algeciras | Alicante | Almería | Ávila | Avilés | Badajoz | Barcelona | Bilbao | Burgos | Cáceres | Cádiz | Cartagena | Castellón | Ceuta | Ciudad Real | Córdoba | Cuenca | Gijón | Girona | Granada | Guadalajara | Huelva | Huesca | Ibiza | Jaén | Las Palmas de Gran Canaria | León | Lleida | Logroño | Lugo | Madrid | Málaga | Melilla | Mérida | Murcia | Ourense | Oviedo | Palencia | Palma de Mallorca | Pamplona | Pontevedra | Salamanca | San Sebastián | Santander | Santiago de Compostela | Segovia | Sevilla | Soria | Tarragona | Tenerife | Teruel | Toledo | Valencia | Valladolid | Vigo | Vitoria | Zamora | Zaragoza |
Grupo de información GENTE · el líder nacional en prensa semanal gratuita según PGD-OJD
