Belén Fernández reelixida presidenta de Coxersa
La conseyera d'Infraestructures, Ordenación del Territoriu y Mediu Ambiente del Gobiernu asturianu, la socialista Belén Fernández, salió esti miércoles reelexida presidenta del Consorciu pa la Xestión de Residuos Sólidos d'Asturies (Coxersa) col 77,31 por cientu de los votos de la xunta de gobiernu del consorciu y l'apoyu de PSOE, PP ya IX, según informó'l Gobiernu asturianu al traviés d'una nota de prensa.
07/10/2015 - 20:42
UVIÉU, 7 d'Ochobre (EUROPA PRESS)
La conseyera d'Infraestructures, Ordenación del Territoriu y Mediu Ambiente del Gobiernu asturianu, la socialista Belén Fernández, salió esti miércoles reelexida presidenta del Consorciu pa la Xestión de Residuos Sólidos d'Asturies (Coxersa) col 77,31 por cientu de los votos de la xunta de gobiernu del consorciu y l'apoyu de PSOE, PP ya IX, según informó'l Gobiernu asturianu al traviés d'una nota de prensa.
El consorciu escoyó güei a los sos órganos de gobiernu y designó a los miembros de la so comisión delegada y del conseyu d'alministración de Coxersa SAU.
El director xeneral de calidá Ambiental, Manuel Gutiérrez, salió escoyíu vicepresidente de la entidá. Tamién salieron designaos trés de los seis integrantes de la comisión delegada del consorciu y del conseyu d'alministración de la compañía instrumental Coxersa SAU, por mor de que los conceyos d'Uviéu, Xixón y Avilés son miembros de derechu de dambos órganos executivos.
Ignacio García (PSOE), Ángel Manuel García (IU) y Salvador Méndez (PP), representantes de los conceyos de Navia, Carreño y Coaña, respectivamente, son los escoyíos conseyeros de la entidá supramunicipal y de Coxersa SAU.
Xunto con ellos van tar Ana Rivas (PSOE), pol Conceyu d'Uviéu; David Alonso (Xixón Sí Puede), pol de Xixón; y José Ramón Fernández (PSOE), pol d'Avilés.
Belén Fernández faló de les previsiones pa encarar el tratamientu de la fracción restu de los residuos, esto ye, aquéllos que nun van separase pa la so reutilización y reciclaxe.
En destacando la urxencia d'ampliar el vertederu y de contar cola necesaria seguridá xurídica pa facelo, puesto que nel añu 2016 el vasu actual agótase, refirióse tamién a les instalaciones de futuru. "Comprometímonos a estudiar alternatives pa identificar les viables, dende'l puntu de vista técnicu y económicu y, de magar ehí, escoyer aquélla o aquélles que tengan un menor impactu ambiental", precisó.
La conseyera "apostó pola serenidá" y por apartar "los alderiques viscerales". Al so xuiciu, "agora toca realizar los analises técnicos y económicos pertinentes y, darréu, definir los posicionamientos políticos, y non al revés".
Elige tu ciudad
A Coruña | Albacete | Algeciras | Alicante | Almería | Ávila | Avilés | Badajoz | Barcelona | Bilbao | Burgos | Cáceres | Cádiz | Cartagena | Castellón | Ceuta | Ciudad Real | Córdoba | Cuenca | Gijón | Girona | Granada | Guadalajara | Huelva | Huesca | Ibiza | Jaén | Las Palmas de Gran Canaria | León | Lleida | Logroño | Lugo | Madrid | Málaga | Melilla | Mérida | Murcia | Ourense | Oviedo | Palencia | Palma de Mallorca | Pamplona | Pontevedra | Salamanca | San Sebastián | Santander | Santiago de Compostela | Segovia | Sevilla | Soria | Tarragona | Tenerife | Teruel | Toledo | Valencia | Valladolid | Vigo | Vitoria | Zamora | Zaragoza |
Grupo de información GENTE · el líder nacional en prensa semanal gratuita según PGD-OJD
