lunes, 10 de agosto de 2020 21:52 www.gentedigital.es facebook twitter

Gente en Santiago de Compostela

Logotipo diario gente
Kiosko. Portadas de periódicos

Os salarios na industria son os máis altos de Galicia, case 6.000 euros máis ao ano que no sector servizos

Os salarios medios dos traballadores da industria son os máis altos de Galicia, con 25.871,64 euros de media ao ano, após incrementarse un 3,4% en 2019 respecto de 2018.

aumentar texto reducir texto imprimir enviar noticia comentar

31/7/2020 - 10:44


SANTIAGO DE COMPOSTELA, 31 (EUROPA PRESS)

Os salarios medios dos traballadores da industria son os máis altos de Galicia, con 25.871,64 euros de media ao ano, após incrementarse un 3,4% en 2019 respecto de 2018.

Este venres, o Instituto Galego de Estatística (IGE) publica datos de custos laborais e salarios de 2019 coincidentes cos feitos públicos a semana pasada polo INE, pero profunda na estrutura salarial dos traballadores galegos.

De tal forma, obsérvase que os empregados da industria reciben un salario superior en 3.346 euros aos traballadores da construción (22.525,48 euros de media). Unha diferenza que se fai máis patente co sector servizos (19.917,67 euros de media), onde se perciben 5.953,97 euros menos de soldo anual.

Pola súa banda, salario medio galego subiu un 3,4% en 2019 até alcanzar os 21.173,42 euros. Este incremento é superior ao 2% de avance na media española. Con todo, a cifra galega é 2.277 inferior aos 23.450,25 euros de media do país.

O custo laboral neto por traballador ao ano sitúase en Galicia en 28.856 euros en 2019, o que supón un 3,8% máis que no exercicio anterior. Aquí súmase os 21.173,42 euros de soldo e os 7.682,62 de custos non salariais. Son 2.775 euros anuais menos que a media española (31.631,8 euros).
añadir a meneame  añadir a freski  añadir a delicious  añadir a digg  añadir a technorati  añadir a yahoo  compartir en facebook  twittear 

Grupo de información GENTE · el líder nacional en prensa semanal gratuita según PGD-OJD
Desarrollado por Tres Tristes Tigres